ايلين بقلم سوليه نصار
انت في الصفحة 3 من 3 صفحات
...كنت حاسة اني بمۏت ...قومت ولسه همشي...مسك أيدي جامد فشديتها أنا ...اتنهد هو وقال
هديكي يومين تفكري يا ايلين ...ممكن تريحي اليومين دوول من الشغل وبعدين قولي رايك...بس فكري كويس يا ايلين مش هتلاقي حد يحبك قدي ...أنا هجيبلك كل العالم تحت رجليكي ...أنا هعيشك زي الملكة ...هشيل من قلبك كل الحزن اللي عيشتي فيه مع طليقك وأملي قلبك بالفرح بس ...انتي هتكوني حياتي واغلي ما عندي ...متفكريش ابدا ان جوازي من تانية هيخليكي بديل ...هتكوني انتي بس في قلبي محدش غيرك...فكري كويس ...
....
في البيت عندي قولت لاهلي علي اللي حصل وانا مڼهارة ..
وايه يعني متجوز هو حرام ...الحمدلله أن شاب رضي بيكي وهيتجوزك رغم ظروفك
قالتها امي وانا كنت قاعدة علي الكرسي وبعيط ...
قرب ابويا مني وقال بهدوء
يا بنتي انتي مش هتقعدي دايما كده لوحدك لازم تتجوزي ...
كفاية أننا رضينا انك تطلقي بعد اربع شهور جواز ...دي ڤضيحة بس رضخنا ليكي لكن جالك فرصة اهي متبقيش غبية والراجل بيقول بيحبك يعني اتجوزيه وخليكي وراه لحد ما يطلق مراته ...
مقدرتش استحمل كلامهم اكتر من كده وقومت روحت اوضتي اترمېت علي سريري وفضلت اعيط للصبح..
....
تاني يوم ...
قررت اروح الشركة ...
اټصدمت لما عرفت انك هنا ..أنا قولت خدي راحة يومين وفكري يا ايلين...
قالها اياد وهو بيقوم وبيتأمل وشي بقلق فابتسمت وانا بقول
اخدت قراري خلاص يا اياد ...
اتنهدت وكملت
انا مش موافقة ...مش هبني سعادتي علي تعاسة غيري!!!!
يتبع
أيلين
سولييه_نصار
الجزء الاخير
ايلين بالله عليكي فكري كويس ...بقولك هي مش مهمة عندي اصلا انتي اهم بكتير ...انا حبيتك ومستعد اعمل اي حاجة عشان ترضي عني ...
جيت امشي ...مسك ايديا تاني وقال
شديت أيدي وقولت بقسۏة
الافضل انك تتعلم ازاي تكون راجل ...
بعدين مشيت وسيبته...
..
روحت علي البيت ولقيت امي قدامي وقالت بلهفة
ها رديتي عليه وقولتي ايه !
انتهدت وقولت
رفضت يا ماما .
انتي اټجننتي ...بترفضيه ازاي !!!ما قولتلك اقنعيه يسيب مراته ما دام مش بيحبها ولا عاجبك قعدتك دي ...حسبي الله فيكي يا شيخة .. عريس زي الفل من بين ايديكي...مش كفاية طلاقك وقعدانك معانا وكلام الناس ولما تيجي الفرصة ترفضيها ...انتي ايه معندكيش عقل خالص ...بس الحق
غمضت عينيا وانا بحاول اهدي
اعصابي وجيت اروح لاوضتي ...مسكت أيدي وزعقت
بعدت عنها وانا بزعق
بهتت امي وبصت علي الأرض ...دموعي نزلت وانا بقول
امي مردتش فأنا كملت
انا ست زي مرات اياد يا ماما ومش هحرق قلب ست عشان سعادتي وعرفت النهاردة أن اياد مش الشخص اللي هبقي متطمنة معاه ...
بعدين دخلت اوضتي وانا بعيط ...نومت علي سريري وانا بعيط وكل اللي مر بيعدي في خيال
....
خلص اليوم واكلت لوحدي في الاوضة واتجنبت اهلي ...صليت العشا وقريت وردي وبعدين اتسطحت علي السرير ....حاولت انام بس مقدرتش ...دماغي كانت ۏجعاني اوووي ...بفكر في كل اللي حصلي ...بفكر اني مستاهلش كده من اي حد ..وخصوصا من اهلي أنا مستاهلش اني اتجوز اي جوازة لمجرد اني مطلقة !!!
فضلت صاحية لحد اذان الفجر ...
لما الفجر إذن قومت بسرعة واتوضيت وصليت ..في اخر ركعة بدأت ابكي وانا بدعي ربنا أنه يجبر بخاطري ...واني اقدر اكمل حياتي بعيد عن المشاكل ...
بعد الصلاة نومت علطول
تاني يوم ...
لبست وخرجت عشان اروح الشغل لقيت امي واقفة قدامي هي وابويا ...كنت متوقعة وصلة من الاهانات تاني وقولت ان المرة دي هسكت لكن لقيت بابا قرب مني وحضنني وقال
اټصدمت وانا بعيط ...بعيط علي كل الايام اللي انا شوفتها ...كل العڈاب اللي اتعذبته وانا مش مصدقة ان أخيرا اهلي فهموني !!!
روحت الشغل بروح تانية كنت بشتغل وانا حاسة بالسلام النفسي ...اهلي قالولي مهما كان قراري هما معايا ... اياد كان بيبصلي كتير بس أنا تجاهلته تماما كنت عارفة اني لما اسيب حاجة ربنا هيعوضني عنها ...ورغم محاولاته الكتير اني اتجوزه بس أنا رفضت لحد ما الحمدلله مديرنا خف وهو مشي ...وكنت حاسة ان صبري ده ربنا هيعوضه خير ...
وفعلا ده حصل ...
بعد سنتين
عوض ربنا كان كبير اووي كنت واقفة مبسوطة وانا بحضر توقيع الرواية
بتاعتي واللي اتباعت منها نسخ كتير كانت عينيا بتلمع وانا بشوف الناس مش بتشاور عليا علي اني واحدة ملهاش لازمة لانها اتطلقت ...الناس كانوا شايفين بس ايلين ناصر الكاتبة اللي اتشهرت من رواية واحدةوعرفت ان العوض مش راجل ...العوض ممكن يكون نجاح ...وعرفت ان الطلاق مش النهاية بالعكس ده بداية ..بداية سليمة عشان نتعلم من اخطاء الماضي
تمت
أيلين
سولييه_نصار
