غادر حياتي سوليه نصار

بحزن وقفت قدام المدير وقولت
انا
حابة اقدم استقالتي 
بصلي حسام پصدمة وقال
ليه يا استاذة ليان حد زعلك هنا 
هزيت راسي وانا بحاول امسك دموعي وقولت
لا خالص بس أنا قررت اسافر وابدأ في مكان تأتي بعيد عن هنا 
حسيت وشه بهت قام حسام وهو مرتبك وقال
متسافريش 
افندم !
بلع ريقه وقال
استاذة ليان تسمحيلي اقابل عمك عشان اتقدملك !!!
يتبع
غادر حياتي
سولييه نصار
الجزء التالتشكرا علي تفاعلكم السكربقلم سولييه نصار
بهت وانا برجع لورا بلعت ريقي وقولت
استاذ حسام أنا مبفكرش في الموضوع ده دلوقتي الجواز مش من ضمن مشاريعي صدقني حضرتك تستاهل اللي احسن مني بكتير أنا مش هسعدك أنا طول عمري بحترمك كمديري وكأخ كبير 
رفضي مش اغضبه ولا حسسه بالإهانة بالعكس ابتسم بلطف وقال
اديني فرصة علي الاقل فرصة واحدة يمكن ربنا رايد لينا نكون سوا 
الجواز مش تجربة 
مين قال هنتجوز علطول فيه فترة خطوبة نتعرف فيها علي بعض كويس وبعدين يا ستي قرري محدش يقدر يجبرك علي حاجة شوفي مش هقبل استقالتك هديكي إجازة اسبوع فكري براحتك اوووي واي قرار أنا هتقبله ومش هيخليني أشيل من ناحيتك متقلقيش 
وقفت مبهوتة ومش عارفة ارد يا ربي أنا كنت جاية عشان ابعد عن عمار مكنتش ناقصة ادخل حد تاني في حياتي بس خلاص قررت اني اخد اسبوع إجازة وبعدين أبلغه رفضي 
طلعت من اوضة المدير عشان امشي وانا حاسة بتوهان فجأة لقيت عمار قدامي جيت امشي من قدامه بس هو وقف قدامي وقال
حابب اتكلم معاكي لو سمحتي يا ليان 
ابعد لو سمحت 
هز رأسه وقال 
لا مش هبعد ده مستحيل مش هبعد الا لما نتكلم متضيعيش كل حاجة يا ليان لسه فيه فرصة نرجع سوا مستعد اسيب ملك من دلوقتي لو حابة 
بصيتله بقرف وقولت
انت اكتر انسان مقرف شوفته في حياتي أنا مستحيل اربط حياتي تاني بواحد زيك كل لما افكر اني حبيت واحد زيك بكون عايزة ارجع بصلي پصدمة فروحت زقيته ومشيت وانا متغاظة منه هو مفكر ايه اني أنا وملك لعبة في أيده 
وقفت في الشارع وانا حاسة نفسي هتجنن ملك متستاهلش أنها ترتبط بواحد زي ده واحد حقېر واناني بس مكنتش عارفة اقول ايه أبعدها عنه ازاي لو قولت الحقيقة علاقتي بملك واهلها هتتوتر وانا مش هخسر اهلي مقدرش اخسرهم وقتها علي قد الحب اللي كان في قلبي لعمار كرهته كرهته اوووي 
اتنهدت بتعب وبعدين وقفت تاكسي وروحت البيت 
مر اسبوع وانشغلت مع ملك في تحضيرات الفرح حاولت اتكلم كتير مع ملك واقولها الحقيقة بس مقدرتش خۏفت اخسرها 
طبعا عمار كان بيضغط عليا كتير وده خلاني هنفجر قلبي بدأ يوجعني كان الضغط من كل إتجاه 
وطبعا اقتراح حسام كان في بالي وللاسف مقولتش لعمي أو مراته عشان ميضغطوش عليا في يوم 
عمار جه وقعد مع ملك وطول القاعدة كان بيهزر وبيتكلم معايا قدامها عادي بهزار كنت مستغربة ازاي قادر يتلون بالشكل ده اللي يشوف وهو بيقول ميقدرش يعيش من غيري ميشوفش دلوقتي وهو بيحب في ملك وبيكلمني كأني أخته اتخنقت اكتر لما حسيت أن ملك وقعت في نفس الفخ اللي وقعت فيه بنت عمي طيبة ومش هتستحمل اللي عمار هيعمله فيها بس برضه كنت خاېفة اتكلم خۏفت كالعادة 
بعد شوية 
كنت في المطبخ بغسل الاطباق حسيت بحد دخل المطبخ افتكرتها ملك وبصيت وصړخت لما لقيت عمار
انت ايه اللي بتعمله هنا !اطلع برا 
ابتسم بخبث وقال
بتحاولي تخبي حبك