غلطة عمري بقلم زهرة الربيع

شعره متبعزق وهدومه متبهدله اتنهدت وقالت....بص انا هقعد علشان الطفل هو ملوش ذنب...بس تخليك بعيد عني 3 متر ما تقربش خالص 
رياض ابتسم برضا وقال .....تمام موافق بس محتاجين بتاع 10 متر  علشان سهام عيونك ما تصبنيش 
تقى اتنهدت بارتباك من نظراته وقالت بسرعه .....تمام حلوين 10 متر خليك واقف بعيد بقى  يلا اتفضل اطلع خليني احمي الولد

رياض  ابتسم وقال... طب اجي معاكي 
تقى قالت بغيظ... بره يا رياض بيه
رياض  ضحك  وطلع وهو بيبصلها بطريقه وترتها اوي
تقى  بصت لطيفه وقالت....و الله حقها مراته كويس انها ما اڼتحر...تش ايه ده
بعد شويه كانت جهزت الولد ولبسته وحمته وبقى زي القمر ونزلت بيه وكان رياض بيتكلم في التليفون وبيقول پخنقه... يا جودي عيب عليكي اللي بتعمليه ده ارجعي البيت مش كده انا قلت لك مش هعمل كده تاني
وسمعها شويه وقال.. طيب يا جودي حتى علشان ابنك انا مش فاهم ازاي جاي لك قلب تقعدي من غيره 
وسمعها شويه ولسه هيرد ملقاش اي صوت قال...جودي ..جودي
و بص للتليفون ولقاها قفلت السكه في وشه 
بص لتقى بحرج وقال ....الشبكه عندهم وحشه قوي تكوني بتتكلمي والخط يفصل 
تقى ضحكت لانها فاهمه انها قفلت في وشه وقالت... اممم فعلا الشبكه ملهاش حق...اتفضل شيل ابنك بيسال عنك 
رياض بقى يحضنه وقال بابتسامه...... برافو عليكي والله مروقاه وقعد وبقى يلاعبه
تقى قعدت قصاده وقالت.... لو مش هتدخل يعني هي زعلانه منك في ايه لدرجه انها تسيب لك ابنها وتمشي كده
رياض اتنهد وقال ...هي مش سايباه علشان زعلانه مني هيه سايباها عشان تعاقبني بيه عشان اخلي بالي منه وميبقاش عندي وقت لحد ثاني
تقى قالت بسرعه... ااااه وقت ثاني تقريبا فهمت المشكله هي شاكه انك تعرف غيرها 
رياض ضحك وقال.... لا هي اتاكدت اني اعرف غيرها
بصتلو باستغراب وقالت ...اتاكدت ازاي 
رياض قال بلا مبالاه ...ابدا كانت جايه من عند مامتها وكانت على اساس هتبات هناك بس رجعت ولقيت معايا واحده هنا
كان بيتكلم بمنتهى البساطه وتقى كانت بتسمعوا بزهول شديد وبقها وعيونها مفتوحين پصدمه وقالت... لقيتك ايه ...معاك واحده فين 
رياض ضحك على منظرها وقال ...هتكون فين يعني في الأوضه
تقى  اټصدمت اكتر وقالت ايه البرود اللي انت فيه ده.... لا بجد ما لهاش حق ازاي تزعل في حاجه بسيطه زي دي
رياض  قال بسرعه ..شوفتي ست كئيبه و
تقى صړخت في وشه وقالت... هي اللي كئيبه ولا انت اللي فلاتي وخا...ين ازاي تتصرف بالشكل ده
رياض قال بضيق ...يعني انا مش كفايه عليا الليله اللي هي عملتهالي  انتي كمان هتعيدي اللي قالته 
تقى قالت پغضب ...غلطانه  تقول و تزعل ليه ...واحده تروح عند مامتها جوزها يجيب واحده وفي بيتها حاجه ما تزعلش الصراحه 
بقلم...زهرة الربيع
رياض اتنهد بضيق وقال.... هي مزعلتش عشان كده لان هي متعوده اصلا هي عارفه ان انا راجل بحب التنوع ومش بتكفيني واحده بس اللي ضايقها بقى ان البنت اللي كانت معايا هيه ميار الاكس بتاعتي وهيه پتكرها او بتنفسن منها شغل ستات يعني
تقى كانت حرفيه مش مستوعبه الكلام اللي بيتقال ده ..دماغها مستحيل تستوعب حاجه زي دي اصلا ...قامت وقالت بزهول....يعني لو ما كانتش الاكس كان عادي
رياض قال بسرعه ...عادي جدا ..كانت هتتقمص شويه وتفك عمرها ما كانت هتسيب  البيت
تقى كانت بتبصلو بزهول وقالت... اه عادي ...طيب انا ..انا هروح اعمل لي حاجه للضغط تنزله شويه عشان دماغي لفت 
وراحت على المطبخ وهي بتعيد كلامه بزهول