الضحيه بقلم ابتسام جمال

تقعدي معايا وتقابليني انا شوفتك كذا مره قبل كده وانتي راجعه من الجامعه وكذا مره اتقدم وانتي ترفضي علشان مش عايزه تتجوزي وانتي بتدرسي والحمد لله المره دي غيرتي رأيك انا ياستي اسمي عدي عندي 26سنه وبشتغل محاسب ويشرفني انك تبقي مراتي وام عيالي ومش مستني منك غير موافقتك 
مش عايز تعرف عني اي حاجه 

انا عارف كل حاجه ولو في حاجه مش عارفها هخليهالك الماضي بتاعك ميخصنيش انا حياتك واللي بيحصل فيها يخصني من اللحظه اللي هدخلها فيها 
كان بيتكلم بصدق يكفي العالم كله انا مش هقدر اكون الشريره مش هقدر اخبي علي انسان زيه مصېبه زي دي هو ميستاهلش مني كده واكيد هيفهمني ويقدر ظروفي 
انت متاكد انك ميخصكش حياتي قبل ماانت تدخلها 
انسه اريج انا شوفتك كتير وعارف عنك كل خير واخلاقك بيشهد بيها السكان كلهم 
مش كل حاجه بنشوفها بتبقي صح 
يعني ايه
فركت في أيدي جامد
هو انت ليه كنت بتتقدم كل مره ارفضك فيها 
علشان انا عايزك مش عارف اقول عليه حب ولا اعجاب بس انتي سحرتيني من اول مره شوفتك فيها مبقتش بفكر في حد غير فيكي لو ده اسمه حب يبقي علشان بحبك وكنت علي استعداد اتقدم اكتر من كده كمان لحد ماتوافقي ماهو انتي مش هتبقي لحد غيري 
للدرجه دي
ايون 
استاذ عدي في حاجه مهمه لازم تعرفها
اتفضلي 
انا...
قاطعنا ماما اللي دخلت علينا وعلمات الخۏف على وشنا باين كانت بتسمعنا 
خلصتوا كلام ياعرسان 
ايوه ياطنط وباذن الله انسه اريچ توافق وكل حاجه تتمناها هتكون عندها 
علي خيره الله يابني وانا مش هلاقي لبنتي عريس وراجل يصونها ويحميها زيك وهي اكيد موافقه نقرأ الفاتحه 
هدوء ملا المكان والكل بيبص لبعضه بابا وماما علي وشهم علامات الخۏف وهو الصدمه مسيطره عليه بشكل تام 
افندم 
اتكلمت وانا دموعي مغرقه وشي
في واحد من الجامعه بتاعتي كان دايما بيدايقني وانا بصده ولما ملقاش في مني سكه جي في يوم وانا خارجه من الجامعه واتفق مع واحده صحبتي تشربني عصير في مخدر وحطوني في عربيته صحيت لقيت نفسي في شقه
وو
كنت بتكلم وصوت شهقاتي زاد وماما دموعها هي وبابا نازلين في صمت 
عن اذنكوا 
عدي يابني انا زي ابوك ابوس ايدك اي كلمه من اللي سمعتها هنا دي متطلعش برا 
زي ابويا وكنت ناوي تخبي عليا حاجه زي دي بس انا راجل وعمري ماافضح واحده ابدا 
ابن اصول يابني وانا مش هجبرك تكمل في الموضوع ده بعد اللي سمعته 
بصلي بنظره في انكسار وقال لبابا 
انا بحبها اه وكنت مستعد اضحي بكل حاجه علشان تبقي مراتي واللي كانت هتطلبه كان هيتنفذ بس انا مقبلش علي نفسي اني اتجوز واحده 
سكت وبص لبابا وكمل كلام
انا عاوز اتجوز واحده تكون ليا وانا ليها احنا اللي نكمل بعض انت اكيد فاهمني انا عارف أنه مش ذنبها ولا بايديها
بس مش هقبل بكده حط نفسك مكاني ياعمي انا بحبها وجدا كمان بس مش هقدر انا حاليا ربنا اللي يعلم قد ايه انا مكسور 
ياعدي يابني ده مش ذنبها ولا بايدها انا الكل يشهد بأخلاق بنتي وكمان محدش يعرف حاجه عن الموضوع ده 
وانا مالي حد يعرف ولا محدش يعرف انا عارف وهي عارفه انا اسف بس مش هقدر سامحني 
عاذرك يابني اتفضل 
مشي وبابا ماما بصولي پانكسار وخرجوا وسابوني قد ايه المجتمع ده قاسې مش بيرحم البنت اكتر من الولد انا مغلطتش بس الظلم كله والاتهام والاحتقار انا اللي اخدته كره بابا وماما ليا مش هتجوز ابدا لان مفيش حد يقبل يتجوز واحده كده حياتي اللي ادمرت كله بسبب شهوه واحد عايش حياته ومكمل عادي ولا كانه دمر حياة بني ادمه انا حتي لو اتجوزت في يوم من الايام مش هقدر اشوفه بيلم أو يقب مني مش هقدر ليه البنت تدفع تمن غلطه حيوان ولا يسوي 
تمت
ل ابتسام جمال 
ابتسام_جمال