مأساة حورية الحلقة الثانية بقلم فريدة احمد
يوم والتاني بتضربها حتي مش بشوفك بتعاملها زي الحبيبة يعني ايه سر تمسكك بيها مش فاهمه
ياامااا قفلي بقا علي الموضوع ده وجواز تاني مش هتجوز علشان تريحي نفسك
قالها محمد وهو بينهي اي نقاش في الموضوع ده تاني
ولف علشان يخرج اتفاجأ ب حورية واقفة علي السلم ودموعها في عيونها ف قالها احم انزلي ياحورية شوفي ماما عاوزة ايه واعمليهولها يلا
محمد بص ل حورية اللي كانت واقفة پصدمة وهي متاكده من مکيدة جديدة من حماتها
رجع بص محمد ل امه وقال غلطت فيكي ازاي ياما
قالت امه بمسكنة امبارح كنت تعبانة وانت عارف رجلي بتوجعني ومرات اخوك كانت عند الدكتور ب ابنها وهي الوحيدة اللي كانت فاضية ف روحت قولتلها ياحورية شطبي المطبخ مكان العشا قبل ماتطلعي شقتك تخيل تقولي ايه
محمد هي قالتلك كده
كملت بدموع مصتنعة وقالت هقولك ايه بس ولا ايه
حتي اسال اختك اهي بصت لبنتها اللي كانت قاعدة في جمب لوحدها بتقلب في تليفونها بلا مبالاة وقالت بت يا سمر مش قالت كده
وهي بتبص لبنتها بتحذير علشان تأكد اللي قالته
امه شوفت بقا علشان تعرف اني مستحملة منها كتير وبقول علشان خاطرك
لحد هنا ومستحملتش حورية اللي كانت واقفة بزهول وهي زعلانة من كل الاټهامات دي
اتمالكت نفسها وراحت نزلت الدرجتين من علي السلم وقربت علي حماتها پغضب وقالت انتي ايه ياولية مش پتخافي من ربنا انتي ولا بنتك اتا قولتلك كده!!!!
كملت بعصبية وڠضب سيبيني في حاالي بقاا عاوزة تعملي فيا ايه بالظبط
محمد بحدة حورية وطي صوتك
حورية پغضب مش هوطي صوتي انت مش شايف بتتبلي عليا ازاي هي واختك
امه شايف شايف بتقول علي امك ايه اللي ملقتش حد يربيها شايف بتغلط في امك ازااي
حورية بقوة مش هعتذر انا مغلتطش فيها هي اللي اتبلت عليا بتقول كلام محصلش هي اللي غلطت فيا مش انا
وهي بتبص ل حماتها پغضب دا غيرموضوع الخلفة
محمد پغضب مكتوم قولت اعتذري حالا
حورية وانا قولت مش هعتذر
ولفت وراحت تطلع علي فوق متجه لشقتها لكن هو
شدها قبل ماتتحرك ونزل علي وشها
بكف شديد وقال شكلك فعلا متربتيش و محتاجة تتربي من اول وجديد وانا هربيكي علشان تعرفي تكسري كلامي
حورية كانت حاطة
ايدها علي وشها مكان القلم
